မစု (MA-SU) ကို ခံစားခြင်း

ဒီတစ်ပတ်တော့ ကျွန်မမေမေရဲ့ စာလေးတစ်စောင် ကို မူရင်းအတိုင်းထပ်မံ ဖော်ပြပါရစေရှင်။

မစု (MA-SU) ကို ခံစားခြင်း

၁၉၆၄ ခုနှစ် ကျွန်မ ၁၀ တန်းအောင်ချိန်မှာ တော့ မန္တလေး ဆေးတက္ကသိုလ်ကို IQ level နဲ့ ရွေးတဲ့အချိန် စခဲ့တာပါပဲ။ ဒီ့အရင်ကတော့ မန္တလေးတက္ကသိုလ်မှာ Inter-B အထိနေပြီး တော့မှ ဆေးတက္ကသိုလ်ကို တက်လိုသူများက မန္တလေးတက္ကသိုလ် ကို 2^nd MB ကစတက်ကြရပါတယ်။ စနစ်သစ်အရ ကျွန်မလဲ မန္တလေးဆေးတက္ကသိုလ်မှာ 1^st MB ဆိုတဲ့ အတန်းကစတက်ခဲ့ရတာပါပဲ။ မန္တလေး ၀ိဇ္ဇာ နဲ့ သိပ္ပံ တက္ကသိုလ်ကြီးမှာ စာသင်ချိန်တွေပြောင်းတိုင်း အခန်းတွေပြောင်းပြီး အပြေးအလွှား အတန်းတက်ကြရတာလို့တော့ ကြားဖူးပါတယ်။ အဲဒီအချိန်တုံးက ကျွန်မတို့ဆေးကျောင်းကတော့ ကျောင်းပုံစံကလဲ အထက်တန်းကျောင်းပုံစံ အတိုင်းပါပဲ။ စာသင်တော့လဲ တစ်ခန်းထဲမှာပဲ ဆရာတွေက သူ့အချိန်နဲ့သူ ၀င်ပြီးသင်တော့ အထက်တန်းကျောင်းကြီးလိုပါပဲ။ ကျွန်မတို့အတန်းမှာ ကျောင်းသား၊ ကျောင်းသူ ကလဲ စုစုပေါင်း ၇၅ယောက်ပဲ ဆိုတော့ တက္ကသိုလ် ပုံစံနဲ့ နဲနဲမှ မတူခဲ့ပါဘူး။ ဆေးကျောင်းသူတွေကလဲ ရွက်ကြမ်းရေကျို ပါပဲ။ ဒီတော့ ကျွန်မတို့ တက္ကသိုလ်က ကျောင်းသားတွေဟာ မန္တလေးတက္ကသိုလ် ကိုသွားပြီး အဲဒီကျောင်းက ကျောင်းသားတွေလိုအတန်းတွေ လိုက်တက်ကြကြောင်း လဲ ကြားဖူးခဲ့ပါရဲ့။ ကျွန်မအဖို့တော့ အဲဒီအချိန်အထိ မန္တလေးဝိဇ္ဇာ၊ သိပ္ပံတက္ကသိုလ်ကြီးနဲ့ ဝေးကွာတုံးပါပဲ။

ကျွန်မတို့ဆေးကျောင်းနဲ့ ၀ိဇ္ဇာ၊ သိပ္ပံတက္ကသိုလ်နဲ့ ဘတ်စကက်ဘော ပြိုင်တဲ့ ရာသီရောက်လာတော့ ကျွန်မတို့ကျောင်းက ကားတွေ စီစဉ်ပေးပြီး ၀ိဇ္ဇာ၊ သိပ္ပံတက္ကသိုလ် ကိုသွားပြိုင်ကြရပါတယ်။ ကျွန်မတို့လဲ အားပေးဖို့ လိုက်ကြပါတယ်။ အပြိုင် အော်ဟစ်အားပေးကြတော့ ၀ိဇ္ဇာ၊ သိပ္ပံဘက်ကလဲ “MC MC ... ရှုံးရှုံး ” လို့ အော်တာပေါ့။ ကျွန်မတို့ဘက်ကလဲ “MA-SU MA-SU .... ရှုံးရှုံး” လို့အော်ကြတာ။ အဲဒီအချိန်ကစပြီး Mandalay Arts and Science University ကို မစု (MA-SU ) လို့အတိုကောက်ခေါ်ကြတယ်။ (ခုခေတ်မှာဆိုရင်တော့ အဲဒီလိုခေါ်ရင် အပြစ်ဖြစ်မယ် ထင်ပါတယ်။)

အဲဒီလိုနဲ့ မစု နဲ့ ကျွန်မကတော့ သိပ်ရင်းနှီးလှသည်မဟုတ်ပါဘူး။ နွေရာသီ ကျောင်းပိတ်ရင်မှာ ပပကဆိုင်တွေမှာ စာရင်းတွေလုပ်ဖို့ ကျွန်မတို့ လုပ်အားပေးရပါတယ်။ (ဘာအတွက်လဲ မမှတ်မိတော့ပါ။) အဲဒီလို လုပ်အားမပေးခင် စာရင်းဇယား သင်တန်းအရင်တက်ရပါတယ်။ သင်တန်းက မစုဆီ မှာ လုပ်ပါတယ်။ အဲဒီတော့မှ ကျွန်မတို့လဲ မစုရဲ့ နာမည်ကြီး ရွှေမန်းဆောင်၊ သစ္စာဆောင် ဆိုတာတွေကို ရောက်ဖူးတော့တယ်။ ကျွန်မတို့ကို အဲဒီအဆောင်တွေမှာပဲ နေရာချထားပေးလို့ တစ်ပတ်လောက်နေခဲ့ရတယ်။ အဆောင်မှာပဲ ထမင်းစားရတယ်။ ကျွန်မတို့ဆေးကျောင်းက အဆောင်တွေနဲ့ မစုရဲ့ အဆောင်တွေက ကျွေးမွေးပုံစနစ်မတူပါဘူး။ ကျွန်မတို့ကျောင်းက မနက်ပိုင်း ကော်ဖီ၊ မုန့်၊ထမင်းကြော်၊ မုန့်တီ စသဖြင့် ကျွေးတယ်။ နေ့လည်ပိုင်းမှာ ထမင်းကျွေးတယ်။ မစု ကတော့ မနက် ၈ နာလောက်မှာ ထမင်းကျွေးတယ်။ နေ့လည်မှာ ကော်ဖီတိုက်တယ်။ အဆန်းဖြစ်နေတာပေါ့။ မစုက အဆောင်တွေမှာ ခေတ္တခဏ နေခဲ့ရစဉ်မှာ တက္ကသိုလ်ဆိုတဲ့ အရသာလေးကို ခံစားဖူးခဲ့ပါရဲ့။ ညပိုင်းကျတော့ ဂစ်တာတွေနဲ့ ကျောင်းသားတွေက သီချင်းလာဆိုကြတာကိုး။ မစုရဲ့ ကျောင်းသူတွေကလဲ မုန့်တွေပို့ကြ၊ ဘာသီချင်း ဆိုပါ ဆိုပြီး အော်ဟစ်ကြနဲ့ ကျွန်မတို့အဖို့ ထူးဆန်းနေတာပေါ့။ ကျွန်မတို့ ဆေးကျောင်းအဆောင်တွေမှာ တော့ဘယ်သူကမှလာပြီး သီချင်းမဆိုဘူး။ တစ်ခါတစ်လေ မျက်စိလည်လမ်းမှားပြီး လာဆိုတဲ့ သူတွေရှိရင်လဲ ဆေးကျောင်းသူတွေက မီးပိတ်ပြီး ငြိမ်နေကြတာ။ ဒါကတော့ မစုရဲ့ ကျောင်းသူ ခဏဖြစ်တုံးက အတွေ့အကြုံပေါ့။

အဲသည်နောက်တော့ မစုနဲ့ ကျွန်မဟာ သိပ်ပြီး အဆက်အဆံ မရှိခဲ့ကြပါဘူး။ သမီးငယ်လေး ဘွဲ့ယူတောမှ မစုဆီကို တစ်ခေါက် ရောက်ဖြစ်တော့တယ်။ ပြီးခဲ့တဲ့ အပတ်က မိတ်ဆွေတစ်ယောက်ကို တွေ့ဖို့ မစုဆီကို ရောက်ခဲ့ပါတယ်။ ခြောက်သွေ့ပြီး ပေါင်းမြက်တွေထူနေတဲ့ သစ္စာဆောင်ကြီးရှေ့က ဖြတ်သွားရတယ်။ ငယ်တုံးက ဘ၀လေးကိုလဲ သတိရလိုက်မိ သေးတယ်။ သမီးငယ်လေးကိုလဲ အထူးသတိရမိတယ်။ မန္တလေးတက္ကသိုလ် မိန်းအဆောက်အအုံကြီးရှေ့က လှေကားထစ်လေးတွေပေါ်မှာ သမီးလေးရိုက်ထားတဲ့ ဓာတ်ပုံလေးကို သတိရမိတယ်။ သမီးလေးဝတ်ထားတဲ့ အ၀တ်အစားနဲ့ မက်ခ်ျ ဖြစ်ပြီး သိပ်လှတာပဲ။ အဲဒီတုံးက သမီးက ပထမနှစ်လောက်ပဲ ရှိအုံးမယ်။ သူ့ရဲ့ နုပျိုလန်းဆန်းတဲ့ အလှကိုလဲ တွေ့ရတယ်။

သမီးတို့ ဌာနနားကို ရောက်တော့ သမီးလေး သွားလာလှုပ်ရှားခဲ့တဲ့ နေရာလေးမို့ အထူးသတိရမိပြန်တယ်။ လူ့လောက ကနေ ထွက်ခွာသွားပြီဖြစ်တဲ့ သမီးလေးရဲ့ ဆရာကြီးကိုလဲ သတိရမိတယ်။ သူကွယ်လွန်သွားတော့ သူ့ရဲ့ ထူးချွန်ပြောင်မြောက်တဲ့ လုပ်ရပ်တွေ၊ သူရဲ့ ပညာတွေကို သတိရနေကြပါရဲ့လား။ အသက်ရှင်လျက်ရှိနေခဲ့ရင်တောင် ဌာန၊ နေရာတစ်ခုကနေ ပြောင်းရွှေ့သွားခဲ့ရင်၊ အဲဒီနေရာမှာ ကိုယ်ဘယ်လောက်ပဲ ကျင်လည်ခဲ့ပေမဲ့ တစ်စိမ်းတစ်ရံလို ဖြစ်သွားတတ်တာ သဘာဝပါပဲ။

တက္ကသိုလ်ဝင်း ကနေ ထွက်ခွာခဲ့တော့ တက္ကသိုလ် အရံတပ်ရင်းဆိုတာကို တွေ့ရတယ်။ အဲဒီတော့လဲ သူငယ်ချင်းတစ်ယောက် ကိုသတိရမိပြန်တယ်။ အဲဒီသူငယ်ချင်းက MC ပထမနှစ်မှာ တက္ကသိုလ် အရံတပ်ရင်းကို ၀င်ခဲ့တာလေ။ သူညနေတိုင်း training ဆင်းခဲ့ရတာတွေကို ပြန်ပြောပြတတ်တယ်။ ကျောင်းပိတ်ရက်ရှည်တွေမှာ တစ်မြို့တစ်ရွာကိုလဲ လေ့လာရေးခရီး သဘောမျိုး သွားရတယ်တဲ့။ သူက ဆရာဝန်ဖြစ်တော့ တပ်ထဲဝင်ပြီး ဒုဗိုလ်မှူးကြီး ENT Specialist ဖြစ်တယ်။ အဲဒီခေတ်က တက္ကသိုလ်အရံ တပ်ရင်းကနေ တပ်မတော်သား အရာရှိတွေ မွေးထုတ်ပေးခဲ့ဘူးတယ်။

မစု ဆီကနေ ထွက်ခွာခဲ့ပြီးတော့ အတိတ်ရဲ့ အရိပ်လေးတွေဟာ ကျွန်မရဲ့ တွေးတောစိတ်ထဲမှာ တစ်ခုခြင်းပေါ်လာခဲ့လို့ ဒီစာစုလေးကို ရေးမိပါတယ်။ မစုနဲ့ အနေဝေးခဲ့သူဖြစ်တဲ့ ကျွန်မတောင်မှ တဒင်္ဂအတွင်းမှာ ဒီလောက်ခံစားမိခဲ့ရင် မကြာခင်မှာ နှစ်(၅၀)ပြည့်တော့မဲ့ မစုနဲ့ ရင်းနှီးကျွမ်းဝင်ခဲ့သူဆိုရင် အတိုင်းအဆမရှိ အတိတ်ရဲ့ အရိပ်တွေကို ပြန်တွေ့ကြမှာပါ။

နောင်နှစ်ပေါင်းများစွား အထိ မစု(MA-SU) ဆိုတာ တည်တံ့ခိုင်မြဲနိုင်ပါစေ။ လူတော်လူကောင်းများစွာကို မွေးထုတ်ပေးမဲ့ အမိတက္ကသိုလ်ကြီး အဖြစ် ရပ်တည်နေနိုင်ပါစေ။

မှတ်ချက်။ ။ မန္တလေးတက္ကသိုလ်ရဲ့ နှစ် ၅၀ပြည့် အထိမ်းအမှတ် အာစရိယပူဇော်ပွဲကို ယခုနှစ် နိုဝင်ဘာလအတွင်းက ကျင်းပပြီးစီးခဲ့ပြီး ဖြစ်ပါသည်။

My Brother's Wedding

I write this post just to make a record for my brother's wedding and finding the way to cheer his marriage. Despite of my sister's criticism of judging me that I am focusing too much on my personal feeling and not giving anything to reader, I continue this post as my intention of this blog is about my life and things about what I think, I feel and I see.

One of the July evening 2008, I got a call from one of my friends that my mother has important news to deliver me. Suddenly I feel that the news will be nothing good other than bad news about my father's health as he was hospitalized at last year December. I was so worried that he may have left us or hospitalized again . That made me even shaking with excitement while I was dialing the number of My mother. The first thing my mother told me was " I have to talk about your brother, ko ye", "phew!!!!!!". Now I know that my father is fine. But my worried is still not calm as the news can also be bad news about my brother since he is flying helicopter every week. After a few seconds, my mother told me that "he is going to marry soon". I felt so surprised as he was staying a lone until now but the immediate feeling come in my mind was I am glad for him. But my mom's sound was rather uncomfortable and did not seem to be very glad of telling that news. After about half and hour chat, I understand well that my mother was just getting uncomfortable of his son's marriage to a girl as if she appeared suddenly from somewhere. That was how I was informed about my brother's marriage.
After a month, I heard my mother and father went to my brother's place and make the engagement ceremony for them. I was not around all the time but I came to know that my mother manage to build the close relationship with the girl's family and ready the accept the girl as her daughter-in-law.
After 3 months , second Saturday of November, 08-11-2008, the marriage ceremony was held at the town called Mate Hti Lar, about 90 miles far from Mandalay, which is the native town of my mother as well. I was dying to go back and attend the wedding but unfortunately I could not make it because of my busy schedule and study. But I was told almost every moments of the wedding events that inspire me to make record of my brother's wedding.
At the wedding, besides the bridegroom and bride, the other celebrity are my little cousin sister, my nephew and my niece as they participate as flower kids.


That last time I met them was last year December and they are just tiny kids at that time. I was surprised to see them again with wonderful dress after 1 year. Especially my nephew Wai Yan Min, he was really charming with tuxedo suit and tie. I couldn't believe my eyes that my nephew can be such a handsome kid within a year.
My father and mother was wearing traditional Myanmar dress at wedding. For my father and mother, wearing formal dress and taking the photo with my brother while he was wearing his military suit will be second time for them. The first time I saw this scene was at my brother's graduation ceremony at Defense Service Academy, Pyin Oo Lwin. I don't know exactly how their feeling could be different between two ceremonies. But I guess they won't never be hesitated to stand beside of their son again in similar ceremony whenever they have chance.


My elder brother is always willing to be celebrity and try always to do public stunt whenever he has a chance. This wedding is a good playground for him to make public stunt and earn the people's attraction despite of his less hair and bigger tummy. I don't see any technical reason behind hanging the wallet at his neck but he did that. But my sister-in-law was applauded by one of my friend for being able to keep her beauty despite of being a mother of two kids.



My uncle, Aunt and my cousin sisters attended the wedding as well. To them, this was not only the wedding ceremony also their gathering party as well. Sometime they have not seen each others for months and I guess my brother wedding is the only one ceremony in 2008 for them to gather.



From more than 20 years ago, we twin brother attended two of our aunts' wedding as flower kids. I am glad they attended my brother's wedding as honorable guests again. They may remember their sweet memories at their wedding when looking at my brother.
Actually, my brother's wedding was no more than a normal wedding like others. But I would like to make it record it on my blog page and want my family members to think how much I concern for this wedding although I could not attend. If marriage is considered as turning point and entering the new life style, my brother has done that already. He is at the initial stage of building up his own family like my parent's and other relative did. That's the thing I could proud of him. As he is my closet buddy in my life, I got some thoughts related with his marriage.
How could we define the successful family life? Would it be the in terms of monetary value how wealthy he is? Would it be the prosperous of living dolls and build them up as grownup people? Would it be very peaceful relation with wife without even single moment of quarrel?
I am not the right position to define the pattern of his successful family life. That would be agreement and discipline defined by him and his wife. Nevertheless, I wish he may get successful family life in terms of any perspective whichever he define.

တို့ရဲ့ ကမ္ဘာငယ်လေး

ဒီခေါင်းစဉ်နဲ့ ဂျပန်သီချင်းလေးကို ကြားဖူးကြပါသလား ရှင်။
It's a small world ဆိုတဲ့ အင်္ဂလိပ်စာသားနဲ့ သီချင်းလေးလဲ ရှိပါတယ်။
ကျွန်မကတော့ ဂျပန် သီချင်းလေးကို စပြီး ကြားဖူးခဲ့တာပါ။
ဒီသီချင်းလေးကို စပြီး ကြားဖူးခဲ့ တာကတော့ WFWP (Women Federation for World Peace) အဖွဲ့ ကအခမ်းအနားတွေမှာ ဖြစ်ပါတယ်။ WFWPရဲ့ အခမ်းအနားတွေမှာ တက်ရောက်လာသူတိုင်းကို အဲဒီ သီချင်းစာရွက်လေးတွေ ဝေပေးပါတယ်။ အခမ်းအနားပြီး တိုင်း တက်ရောက်သူတွေ အားလုံးအတူတကွ အဲဒီသီချင်းလေးကို ဆိုကြပါတယ်။ ဒီသူချင်းလေးရဲ့ အဓိပ္ပာယ်လေး ကိုခံစားကြည့်ကြပါစို့ နော်။
သီချင်းစာသားလေးက တိုပေမယ့် အနှစ်သာရ ရှိလှပါတယ်။
ဂျပန်သီချင်းစာသားလေးကို ဘာသာပြန်ခံစားကြည့်ထားတာ ဖြစ်ပါတယ်ရှင်.......

တို့ရဲ့ ကမ္ဘာငယ်လေး

တိုရဲ့ ကမ္ဘာလေးထဲမှာ
ပျော်ရွှင်စရာတွေလဲရှိတယ်၊ ၀မ်းနည်းစရာတွေလဲရှိတယ်
တို့တွေအတူတကွ လက်တွဲကူညီပြီး နေကြတဲ့
တို့ရဲ့ ကမ္ဘာငယ်လေး

တို့ရဲ့ ကမ္ဘာ ကျဉ်းကျဉ်းလေး မလို့
နေရာတိုင်း သာတူညီမျှခံစားမျှဝေလို့
တို့ရဲ့ ကမ္ဘာဟာ လုံးဝန်းတဲ့အတွက်
အကျိုးသက်ရောက်မှု တွေဟာ တစ်ဆက်တည်းပါပဲ။

တို့ရဲ့ ကမ္ဘာလေးပေါ်က လူတိုင်းဟာ
အပြုံးလေးတွေကိုယ်စီ မျှဝေနိုင်မယ်ဆိုရင်
တစ်ဦးနဲ့တစ်ဦး ခင်မင်ရင်းနှီးမှု တွေ တိုးပွားလာပြီး
အခက်အခဲတွေ့တိုင်း လက်တွဲ ကူညီနိုင်ကြမှာပါ။
ဒါဟာ တို့ရဲ့ ကမ္ဘာငယ်လေးပါ။

ဂျပန်သီချင်းစာသားလေးကို ဖော်ပြလိုက်ပါတယ်။

小さな世界


世界中どこだって
笑いあり、涙あり
皆それぞれ助け合う
小さな世界

＊　世界はせまい、世界は同じ
　　　世界は丸い、ただ一つ

世界中だれだって
ほほえめば、仲良しさ
皆論になり手をつなごう
小さな世界

repeat ＊

တီးလုံးလေးကို ဒီနေရာမှာ နားဆင်နိုင်ပါတယ်။ Internet Explorer နဲ့ ဖွင့်ရင် ပိုအဆင်ပြေပါတယ်။
အဲဒီမှာ ဂျပန်သီချင်းစာသားရော အင်္ဂလိပ်သီချင်း စာသားကိုပါ ဖတ်နိုင်ပါတယ်။

http://utagoekissa.web.infoseek.co.jp/itsasmallworld.html

ကျွန်မနဲ့WFWP

WFWP (Women's Federation for World Peace) ဆိုတဲ့ အဖွဲ့အစည်း တစ်ခုကို ကြားဖူးကြသူ တွေလဲ ရှိမှာပါ။ မသိသေးတဲ့သူတွေကိုလဲ မိတ်ဆက်ပေးချင်ပါတယ်။
ဒီအဖွဲ့အစည်းဟာ ဘယ်လိုရည်ရွယ်ချက်နဲ့ ဘာတွေလုပ်ဆောင်နေတာလဲ၊ ဆိုတာတွေကို မပြောခင် ပထမဆုံး ကျွန်မဟာ ဘာကြောင့် ဒီအဖွဲ့အစည်း ကိုစိတ်ဝင်စားခဲ့မိသလဲ၊ ဒီအဖွဲ့အစည်း နဲ့ ဘယ်လိုပတ်သက်ပြီး ဘယ်လို ဆက်သွယ်မိခဲ့တယ်၊ ဆိုတာကို အရင် ပြောပြပါရစေ။

ကျွန်မနဲ့WFWP

ကျွန်မဟာ ဂျပန်ကို ပညာတော်သင် အဖြစ်နဲ့ ရောက်ခါစ ပထမတစ်နှစ်မှာ International Student House မှာ နေခွင့်ရခဲ့ပါတယ်။ ရောက်ပြီး နှစ်တစ်ဝက်လောက်မှာ Notice Board ပေါ်က ကြေငြာတစ်ခုကို စိတ်ဝင်စားမိ သွားပါတယ်။ အဲဒီကြေငြာကတော့ WFWP (Women Federation for World Peace) ဆိုတဲ့ အဖွဲ့အစည်းရဲ့ International student တွေအတွက် ဂျပန်လိုပြောရမဲ့ Speech Contest ကျင်းပပေးတဲ့ ကြေငြာပါပဲ။ ထူးခြားတာကတော့ မိန်းကလေးများသာလျှင် ပြိုင်ပွဲဝင်ခွင့် ရှိတယ်လို့ ရေးသားထားပါတယ်။ ဒီတော့ ကျွန်မလဲ ဂျပန်ရဲ့ အမျိုးသမီးရေးရာ အဖွဲ့အစည်း တစ်ခုလို့ ထင်ခဲ့မိတာပေါ့။ ဂျပန်စာသင်ခဲ့တုံးက speech ပြောဖူးတဲ့ အတွေ့အကြုံလဲရှိ၊ အဲဒီ အမျိုးသမီးရေးရာ အဖွဲ့ ကိုလည်း စိတ်ဝင်စားမိတာနဲ့ ပြိုင်ပွဲဝင်ဖို့ ဆုံးဖြတ်ပြီး လျှောက်လွှာကို fax နဲ့ ပို့လိုက်ပါတယ်။ ပို့လိုက်ပြီး နောက်တစ်နေ့မှာ အဲဒီက အမျိုးသမီး တစ်ယောက်က ကျွန်မဆီ ကိုဖုန်းဆက်ပြီး ရုံးခန်းကိုလာခဲ့ဖို့ ခေါ်ပါတယ်။ ကျောင်းသားဖြစ်ကြောင်း ထောက်ခံစာကိုလဲ ယူလာခဲ့ဖို့ ပြောပါတယ်။ ရုံးခန်းရှိတဲ့ နေရာကို သွားဖို့အတွက် အဲဒီ အမျိုးသမီးက သူနဲ့တစ်နေရာ မှာချိန်းပြီး ရုံးခန်းကို အတူသွားမယ် လို့ပြောပါတယ်။ ဒီလိုနဲ့ Sakurano ဆိုတဲ့ ကုန်တိုက်ကြီး တစ်ခုရဲ့ အ၀င်ပေါက်တစ်ခု မှာ ချိန်းလိုက်ကြပါတယ်။ ဖုန်းချခါနီး သူမပြောလိုက်တဲ့ စကားတစ်ခွန်းကြောင့် ကျွန်မ အလွန်အံ့သြပြီး အားနာသွား ခဲ့မိပါတယ်။ သူမက အသက်(၇၀) ကျော်နေပြီ ဖြစ်တဲ့သူ တစ်ယောက် ဖြစ်ပါတယ်တဲ့။

ချိန်းထားတဲ့နေ့မှာ ချိန်းထားတဲ့နေရာ ကိုအနည်းငယ်စောပြီး ရောက်သွားပါတယ်။ ဂျပန်လူမျိုး တွေက အချိန်ကို လေးစားတဲ့ အတွက် ချိန်းထားတဲ့ အချိန်ကို နောက်မကျအောင် သတိထားပြီး သွားရပါတယ်။ တစ်ခါမှ မတွေ့ဖူး သေးဘူးဆိုတော့ သူမဘယ်လို ပုံစံပါလိမ့် ဆိုပြီး ရောက်လာတဲ့ အဘွားကြီးတွေ မှန်သမျှကို လိုက်ကြည့် နေမိတယ်။ "sumimasen" (excuse me) ဆိုတဲ့ အသံနဲ့ ကျွန်မနံမည် ကိုလာခေါ်တဲ့ သူကို လှည့်ကြည့် လိုက်တော့ တိုပြီးသေသပ်လှပလှတဲ့ ဆံပင်ပုံ နဲ့ ခပ်ချောချော ဂျပန် အမျိုးသမီးကြီး တစ်ယောက်ပေါ့။ အပြောအဆို နဲ့ လှုပ်ရှားမှုကလဲ သွက်မှသွက်ပဲ။ လမ်းလျှောက်နှေးတဲ့ ကျွန်မ သူနဲ့ ခပ်မြန်မြန်လိုက်ပြီး လမ်းလျှောက် လိုက်ရတယ်။ သူမရဲ့ နာမည်က တာကာဟရှိအခိရိုစန် ဖြစ်တယ်။ နောက်ပိုင်းမှာ ကျွန်မက သူ့ကို အော်ခစန် (အမေ)လို့ ခေါ်ပြီး၊ ကျွန်မအပေါ် သမီးတစ်ယောက်လို ဂရုစိုက်ခဲ့တဲ့သူ ဖြစ်ပါတယ်။

ရုံးခန်းရောက်တော့ ပိုပြီးအံ့သြသွားရတယ်။ တွေ့ရတဲ့ သူမှန်သမျှဟာ အနည်းဆုံး အသက်(၆၀) ကျော်လောက်ရှိကြတဲ့ အမျိုးသမီးကြီးတွေ ချည်းပဲ။ သူတို့အားလုံးဟာ သပ်ရပ်လှပစွာ ပြင်ဆင်ထားကြပြီး ဆံပင်ပုံစံတွေကလဲ အရမ်းလှပြီး သပ်ရပ်တယ်။ သူတို့တွေဟာ ကျွန်မကို ၀မ်းမြောက်ဝမ်းသာ ကြိုဆိုကြပြီး စကားတွေ အများကြီးပြောကြတယ်။ အခက်အခဲ ရှိတာမှန်သမျှ ဆွေးနွေးတိုင်ပင်လို့ ရတယ် ဆိုတဲ့အကြောင်း၊ မကြာခဏ လာလည်လို့ ရတယ်ဆိုတဲ့ အကြောင်းပြောကြတယ်။ ကျွန်မအနေနဲ့လဲ သူတို့နဲ့ သိကျွမ်းရတာ အလွန်ဝမ်းသာတဲ့ အကြောင်း၊ မြန်မာပြည်က အမေနဲ့ ဝေးနေတဲ့အတွက် အမေလို၊ အဘွားလို သဘောထားကြောင်း ပြန်ပြောတော့ သူတို့တွေက အလွန် သဘောကျကြသွားကြပြီး သူတို့ကို အဘွားလို့ ခေါ်လို့ရကြောင်းလဲ ပြောတယ်။ ဒါပေမဲ့ အမေနဲ့ဝေးနေတဲ့ ကျွန်မက သူတို့ကို အော်ခစန် (အမေ) လို့ပဲ ခေါ်ပါတယ်။

သူတို့ အဖွဲ့နဲ့ သိကျွမ်းခင်မင်ပြီး နောက်ပိုင်းမှာ သူတို့နဲ့အတူ မြန်မာထမင်းဟင်း ချက်ပြုတ်ပြီး အတူတူ စားသောက်ခြင်း၊ သူတို့ ဖိတ်ကြားခဲ့ အခမ်းအနား တွေဆီကို သွားရောက်ခြင်း၊ စသဖြင့် ပူးပေါင်းကူညီ လုပ်ဆောင်ခဲ့ပါတယ်။ ကျွန်မက ငယ်စဉ် ကလေးဘ၀ထဲက ကခုန်ခြင်း ကိုဝါသနာပါခဲ့တဲ့သူ ဆိုတော့ နှစ်စဉ်နှစ်တိုင်း နွေဦးရာသီ မှာပြုလုပ်တဲ့ သူတို့ရဲ့ နှစ်ပတ်လည် အခမ်းအနားတစ်ခုမှာ သင်္ကြန်အက ကပေးပြီး ကိုယ်တတ်နိုင်တဲ့ အခန်းကဏ္ဍကနေ ပါဝင်ကူညီခဲ့ဘူးတယ်။

ကဲ....ဆက်ပြီးတော့ သူတို့အဖွဲ့အကြောင်း ဆက်ဖတ်ရအောင်။

Women's Federation For World Peace (WFWP)

WFWP အဖွဲ့ကို ၁၉၉၂ ခုနှစ်မှာ Dr. Hak Ja Jan Moon ဆိုတဲ့ ကိုရီးယား အမျိုးသမီးကြီး တစ်ဦး က စတင်တည်ထောင်ခဲ့ပြီး အခုဆိုရင် နိုင်ငံပေါင်း ၉၀ ကျော်မှာ ရုံးခွဲတွေ ဖွင့်လှစ်နိုင်ခဲ့ပါပြီ။ အဓိကထား ဆောင်ရွက်တဲ့ လုပ်ငန်းတွေကတော့ အမျိုးသမီးများ အကူအညီရရှိရေး၊ ပညာရေးထောက်ပံ့မှု လုပ်ငန်းများ၊ အိပ်စ်ရောဂါ ကာကွယ်ရေး ပညာပေး လုပ်ငန်းများ၊ တကိုယ်ရေသန့်ရှင်းမှု နဲ့ အာဟာရပြည့်ဝစွာ စားသောက်မှု ပညာပေး လုပ်ငန်းများ၊ ကျန်းမာရေး စောင့်ရှောက်မှု လုပ်ငန်းများ စသဖြင့် ဖြစ်ပါတယ်။
WFWP အဖွဲ့ ဟာ ကမ္ဘာ့ ကုလသမဂ္ဂ အဖွဲ့ကြီး ရဲ့ စီးပွားရေးနဲ့ လူမှုရေးကောင်စီ မှာအထွေထွေ အကြံပေး NGO အဖွဲ့အစည်း တစ်ခုအနေနဲ့ လဲရပ်တည်နေတာ ဖြစ်တယ်။

WFWP ရဲ့ ရည်ရွယ်ချက်

“ကမ္ဘာကြီး ဟာ မိသားစုတစ်စုပဲ ဖြစ်တယ်” ဆိုတဲ့ခံယူချက်ကို လက်ကိုင်ထားကာ ကမ္ဘာကြီးသာယာငြိမ်းချမ်းရေး ကိုဦးတည်ခြင်း၊
အမျိုးသမီးတွေနဲ့ ကလေးများရဲ့ ဖွံ့ဖြိုးတိုးတက်မှု ကိုအဓိကထားပြီး ငြိမ်းချမ်းရေးတံတား (peace of bridge) ဆောက်လုပ်ခြင်း။

WFWP, Japan

ဂျပန် နိုင်ငံ ရဲ့ အမြို့မြို့ အနယ်နယ်မှာ WFWP ရဲ့ ရုံးခွဲတွေရှိပြီး နိုင်ငံအသီးသီး အတွက်တာဝန်ယူ ဆောင်ရွက်နေကြတယ်။ ဥပမာဆိုရင် ကျွန်မ နေတဲ့မြို့က WFWP အဖွဲ့ခွဲဟာ ကင်ညာနိုင်ငံ ရဲ့ ပညာရေး၊ ကျန်းမာရေး နဲ့ပတ်သက်တဲ့ ထောက်ပံ့ကူညီတဲ့ လုပ်ငန်းတွေကို တာဝန်ယူရတာတဲ့။ ကင်ညာနိုင်ငံ အတွက် ရံပုံငွေရှာတဲ့ ဈေးရောင်းပွဲနဲ့ ဂီတပွဲတော်ကို ကျွန်မရဲ့အော်ခစန်တို့ ဖိတ်ကြားချက်နဲ့ သွားရောက်ခဲ့ဖူးတယ်။ ကင်ညာနိုင်ငံကို ကြိမ်ဖန်များစွာ သွားရောက်ခဲ့ပြီး ကလေးတွေနဲ့ အမျိုးသမီးလေးတွေ ဖွံ့ဖြိုးတိုးတက်မှုအတွက် ဆောင်ရွက်ခဲ့တဲ့ ဂျပန် အမျိုးသမီးကြီးတစ်ဦးနဲ့လဲ တွေဆုံခွင့်ရခဲ့တယ်။ သူက ကင်ညာမှာ မူလတန်းကျောင်းတွေ ဆောက်ပေးခဲ့တဲ့ အကြောင်း၊ အမျိုးသမီးများအတွက် အိမ်တွင်းမှုသင်တန်းတွေ၊ ကျန်းမာရေးစောင့်ရှောက်မှု လုပ်ငန်းတွေလုပ်ခဲ့တဲ့ အကြောင်း ဗွီဒီယို ဆလိုက်တွေနဲ့ ပြသသွားတယ်။

နောက်ထပ်ပြောပြချင်တာက ဂျပန်မှာ ကျောင်းလာတက်တဲ့ နိုင်ငံခြားသား ကျောင်းသူလေးတွေ အတွက်လဲ ထောက်ပံ့မှု တွေပြုလုပ်ပေးတဲ့ အကြောင်းပါ။
ဂျပန်မှာရှိတဲ့ WFWP အဖွဲ့ခွဲတွေဟာ နိုင်ငံခြားသား ကျောင်းသူလေးတွေအတွက် ဂျပန်စကားပြောပြိုင်ပွဲကို တစ်နှစ်တစ်ခါ ကျင်းပပေးပါတယ်။ (အပေါ်မှာရေးခဲ့ပြီးပါပြီ။) အဲဒီပြိုင်ပွဲမှာ ၀င်ပြိုင်တဲ့သူတွေအားလုံးကို ဆုပေးပါတယ်။ ဒါ့အပြင် ပညာသင် ထောက်ပံ့ကြေးကို တစ်နှစ်မှာ တစ်ယောက် (တမြို့နယ်စီမှာ) ရွေးချယ် ထောက်ပံ့ပေးတဲ့ လုပ်ငန်းတွေကို လဲလုပ်ပါသေးတယ်။

WFWP မှာ အလုပ်လုပ်နေတဲ့ သူတွေဟာ များသောအားဖြင့် အလုပ်တာဝန်များမှ ရပ်နားပြီး တဲ့အချိန်မှာ မိမိရဲ့ အချိန်နဲ့ ငွေတွေကို လူမှုရေးလုပ်ငန်း တွေမှာ မြုပ်နှံလုပ်ဆောင်နေကြသူတွေ ပဲဖြစ်ပါတယ်။

WFWP ရဲ့အဖွဲ့ဝင် တစ်ယောက်အနေနဲ့ ၀င်ကြေးနဲ့ လစဉ်ကြေးတွေကို ပေးသွင်းနေကြပြီး လူအများ အကျိုးအတွက်၊ “ကမ္ဘာကြီးဟာ မိသားစုတစ်ခု” ဆိုတဲ့ ခံယူချက်နဲ့ မပြည့်စုံသေးတဲ့ မိသားစုဝင်တွေကို ထောက်ပံ့ကူညီတဲ့ ၊လွန်စွာမှ မွန်မြတ်ကောင်းမွန်လှတဲ့ အလုပ်တွေကို လုပ်ဆောင်နေကြသူများပဲ ဖြစ်ပါကြောင်း ဂုဏ်ပြု ဖော်ပြချင်ပါတယ်ရှင်။

အသေးစိတ် သိလိုပါလျှင်----http://www.wfwp.org/wfwpi/index.cfm မှာဖတ်နိုင်ပါတယ်။
ဗွီဒီယို ကို ဒီမှာကြည့်ပါ
http://www.wfwp.org/wfwpi/index.cfm?SectionGroupsID=2&SectionListsID=2&PageID=65

သိထားသမျှလေးရေးလိုက်တာပါ။

သူတို့ဆီက Open Campus

ဂျပန်က တက္ကသိုလ်တွေမှာ တစ်နှစ်တစ်ခါ Open campus ဆိုတဲ့ အစီအစဉ် ကိုလုပ်ကြတယ်။

Open campus ဆိုတာဘာလဲ ဆိုတော့ အထက်တန်း ကျောင်းသူ၊ ကျောင်းသားလေးတွေဟာ တက္ကသိုလ် အသီးသီးကို သွားပြီး လေ့လာရေး ကွင်းဆင်းခွင့် ရကြတာပါ။

ဂျပန်မှာ အထက်တန်းက (၃) နှစ်တက်ရပြီး အများအားဖြင့် အထက်တန်း ဒုတိယနှစ်နဲ့ နောက်ဆုံးနှစ် ကျောင်းသားတွေက Open campus ကိုလာလေ့လာကြတယ်။ သူတို့တွေဟာ အထက်တန်းကျောင်း အောင်ပြီးရင် ဘယ်ဘာသာရပ် ကိုရွေချယ်ပြီး တက္ကသိုလ် ၀င်ခွင့်ဖြေမယ် ဆိုတာကို ဆုံးဖြတ်နိုင်ဖို့၊ မိမိ ကိုယ်တိုင် စိတ်ပါဝင်စားပြီး သင်ယူလေ့လာချင်တဲ့ ဘာသာရပ်ကို ရွေးချယ်နိုင်ဖို့အတွက် ဒီOpen campus ဆိုတဲ့ အစီအစဉ်ကို တက္ကသိုလ်တွေက (၂)ရက်တိတိ ပြုလုပ်ပေးတာလေ။

အဲဒီ Open campus အတွက် တက္ကသိုလ်မှာ ရှိတဲ့ ဌာနအသီးသီးဟာ ကြိုတင်ပြင်ဆင်မှုတွေ လုပ်ကြရတယ်။
အဲဒီအတွက် ဆရာတစ်ယောက်က တာဝန်ယူရပြီး တာဝန်ယူရတဲ့ ဆရာက ဌာနမှာ ရှိတဲ့ ဘွဲ့လွန်ကျောင်းသားတွေကို ဘာတွေဘယ်လို ပြင်ဆင်သင့်တယ် ဆိုတာ အကြံပေး ကြီးကြပ်ကွပ်ကဲ ရတာပဲ။
ဒီနှစ်မှာလဲပဲ ကျွန်မတို့ ဌာနက Open campus အတွက် တစ်လလောက်ကြိုတင်ပြီး ပြင်ဆင်ခဲ့ကြတယ်။ ကျွန်မတို့ Lab က Theoretical Lab ဖြစ်တဲ့အတွက် အထက်တန်းအဆင့် နာလည်နိုင်မဲ့ ဘာသာရပ်နဲ့ပတ်သက်တာတွေကို ဆွေးနွေးတိုင်ပင်ကြပြီး Poster တွေနဲ့ ကလေးတွေ စိတ်ဝင်စားမဲ့ Quiz လေးတွေ ဖန်တီးခဲ့ကြတယ်။ Experimental Lab တွေကလဲ လက်တွေ့ခန်းအသေးလေးတွေ၊ စက်ပစ္စည်း ကိရိယာတွေ ပြင်ဆင်ကြ ၊ Poster တွေ၊ လက်ကမ်းစာစောင်တွေ ပြင်ဆင်ကြနဲ့ အားလုံးလိုလို မအားကြရပါဘူး။

အဲဒီလို လုပ်ဆောင်ခဲ့ရတဲ့အတွက် တစ်ဦးနဲ့တစ်ဦး ပူးပေါင်းလုပ်ဆောင်မှု နဲ့ မိမိရဲ့ ဘာသာရပ်နဲ့ ပတ်သက်ပြီး စိတ်ဝင်စားမှု ရှိအောင် တင်ပြရှင်းလင်းနိုင်မှု စတဲ့ အရည်အချင်းတွေကို တက္ကသိုလ်က ဘွဲ့လွန်ကျောင်းသားတွေ အနေနဲ့ ရခဲ့တဲ့ အခွင့်အရေးကောင်း တစ်ခုပါပဲ။

ဒီလိုနဲ့ Open campus နေ့ကို ရောက်လာပါပြီ။ ကျွန်မတို့လဲ ဌာနကို အချိန်မှီ သွားရောက်ရပြီး ကျောင်းသားလေးတွေ လာရင် အဆင်သင့်ဖြစ်နေဖို့ ပြခန်းကို ပြင်ဆင်ထားရပါတယ်။ ကျွန်မတို့ တက္ကသိုလ်နဲ့ နီးတဲ့ အနယ်နယ်အရပ်ရပ်မှာ ရှိတဲ့ ကျောင်းအသီးသီက အထက်တန်း ကျောင်းသား လေးတွေဟာ ကျောင်းဝတ်စုံလေးတွေ အသီးသီး ၀တ်ဆင်ထားကြပြီး ဘစ်ကားကြီးတွေနဲ့ ရောက်လာကြပါပြီ။

Campus ရဲ့အ၀င်ဝမှာ ကြိုဆိုရေး အဖွဲ့ရှိပြီး အဲဒီအဖွဲ့ကနေ campus ရဲ့ လမ်းညွှန်မြေပုံ နဲ့ ပြခန်းပြင်ဆင်ထားမဲ့ အခန်းနံပါတ် တွေပါတဲ့ စာရွက်လေးတွေ စသဖြင့် ဝေငှပေးပြီး ကျောင်းသားလေးတွေ အတွက်လိုအပ်တဲ့ လမ်းညွန်မှု တွေကို လုပ်ဆောင်ပေးတယ်။ အဲဒီနေရာမှာ မေးခွန်း(၅)ပုဒ်ပါတဲ့ စာရွက်လေးတစ်ရွက်လဲ ပါတယ်လေ။ ကျောင်းသားလေးတွေဟာ အဲဒီမေးခွန်း (၅)ပုဒ်ကို ဖြေနိုင်ဖို့အတွက် အနည်းဆုံး ဌာန(၅)ခုကို သွားရောက်လေ့လာရမှာ ဖြစ်တယ်။ ကောင်းတဲ့ အစီအစဉ်တစ်ခုပဲ ချောင်ခိုနေလို့မရတော့ဘူးပေါ့။ တစ်ချို့ ကျောင်းသားလေးတွေဟာ နှစ်ယောက်တွဲ၊ သုံးယောက်တွဲ စသဖြင့် အုပ်စုဖွဲ့ ပြီး သွားကြသလို တစ်ချို့ ကလဲ တစ်ယောက်တည်းပဲ ဌာနပေါင်းစုံ လိုက်ပြီး လေ့လာကြတာ တွေ့ရတယ်။

Poster တွေ၊ စက်ပစ္စည်းတွေ ခင်ကျင်းပြသထား တဲ့ ပြခန်းအသီးသီးမှာ တာဝန်ရှိ ဘွဲ့လွန်ကျောင်းသားတွေဟာ တစ်ဖွဲဖွဲ ရောက်ရှိလာကြတဲ့ အထက်တန်း ကျောင်းသားလေးတွေကို နားချိန်၊ ထမင်းစားချိန်ပင်မရှိပဲ အားတက်သရော ရှင်းလင်းပြသကြတယ်။ အထက်တန်း ကျောင်းသားတွေအပြင် undergraduate တက္ကသိုလ်ကျောင်းသားတွေ ကပါ မိမိတို့ ဘာသာရပ်နဲ့ သက်ဆိုင်တဲ့ ပြခန်းတွေကို လာရောက်ကြည့်ရှု လေ့လာကြတာ တွေ့ရတယ်။

အထက်တန်းကျောင်းသားလေးတွေ အနေနဲ့လဲ မိမိတို့ ကြိုက်နှစ်သက်ရာ ဘာသာရပ်ဌာန အသီးသီးကို သွားရောက် လေ့လာခွင့်ရပြီး မသိနားမလည်တာတွေကို မေးမြန်းနိုင်ကြတယ်။ မနက်ပိုင်းကနေစပြီး ညနေပိုင်း အချိန်အထိ တစ်နေရာဝင် တစ်နေရာထွက်နဲ့ စိတ်ပါဝင်စားစွာ ၀င်ရောက်နားထောင် ကြည့်ရှုကြတာ တွေ့ရတယ်။ သူတို့လေးတွေဟာ တက္ကသိုလ် ကျောင်းတော်ကြီး ကိုလာရောက်ခွင့်ရတဲ့ အတွက် ပျော်ရွှင် တက်ကြွနေကြတာပေါ့။

ဒီလိုနဲ့ သူတို့လေးတွေဟာ အထက်တန်း အောင်မြင်ပြီး တဲ့နောက် မိမိ စိတ်ပါဝင်စားတဲ့ ဘာသာရပ်ကို စိတ်ကြိုက်ရွေးချယ်ခွင့် ရှိကြတယ်လေ။ ဘယ်ဘာသာရပ်မဆို တက္ကသိုလ်ဝင်ခွင့် စာမေးပွဲ ဖြေဆိုကြရတယ်။ အထက်တန်းမှာ ခြေချော်လက်ချော် ဖြစ်သွားလို့ ကိုယ်သင်ယူလေ့လာချင်တဲ့ ဘာသာရပ်ကို မသင်ယူနိုင်မှာ မပူရပါဘူး။ နောက်ပြီးတော့ ဘွဲ့တစ်ခုရပြီးမှ (ဒါမှမဟုတ်) ကိုယ်ကြိုက်တဲ့ အချိန်တစ်ခုမှာ နောက်ထပ်ဘာသာရပ်တစ်ခုကို စိတ်ဝင်စားပြီး လေ့လာချင်တယ် ဆိုရင်လဲ တက္ကသိုလ်ဝင်ခွင့် ထပ်ဖြေ၊ တက္ကသိုလ် ပထမနှစ်က ပြန်စပြီး တက်နိုင်တဲ့ အခွင့်အရေးလဲ ရှိတယ်လေ။ အဲဒီတော့ ဘာသာရပ် ရွေးချယ်မှု မှားယွင်းခဲ့လို့ စိတ်မ၀င်စားပဲ သင်ယူနေရတဲ့ အဖြစ်မျိုးလဲ မရှိတော့ပါဘူး။

သွားခဲ့တဲ့ဂီတပွဲတော်တစ်ခု

မောင်လေး NY အပျင်းပြေဖတ်ဖို့-

ပြီးခဲ့တဲ့နှစ်ပတ်လောက်က မမနေတဲ့ Sendai မြို့မှာ ကျင်းပခဲ့တဲ့ Jazz Festival ကိုသွားခဲ့တဲ့အကြောင်း ပြောပြချင်တယ်။ အယင်နှစ်တွေက ဒီပွဲတော်ရှိတယ် ဆိုတာကြားမိပေမယ့် မသွားဖြစ်ခဲ့ပဲ ဒီနှစ်မှပဲ ပထမဆုံးအကြိမ် သွားဖြစ်တော့တယ်။ အဲဒီပွဲတော်ကို Kotodai ပန်းခြံ နဲ့ အဲဒီပန်းခြံ နားက Johzenji ဆိုတဲ့ လမ်းမကြီးတစ်လျောက်မှာ ကျင်းပတယ်။ အဲဒီပန်းခြံနဲ့ Johzenji လမ်းမကြီးကတော့ Sendai မြို့ မှာ ပွဲတော်တွေ အမျိုးမျိုး ကျင်းပတဲ့နေရာပေါ့။ နှစ်စဉ်နှစ်တိုင်း စက်တင်ဘာလရဲ့ ဒုတိယအပတ် စနေနဲ့ တနင်္ဂနွေနေ့ မှာ မနက် ၁၁နာရီလောက်ကစပြီး ည ၉နာရီလောက်ထိ ကျင်းပကြတယ်။ ဒီပွဲတော်ကို ဂျပန်နိုင်ငံ အနယ်နယ် အရပ်ရပ်က တီးဝိုင်း အဖွဲ့တွေ အများကြီး လာပြီးတီးမှုတ်ကြတာပေါ့။ စုစုပေါင်း တီးဝိုင်းအဖွဲ့ ၇၀၀ကျော် လောက် ရှိတယ်။ ဂျပန်မှာ အကြီးဆုံး ဂီတပွဲတော်ကြီး တစ်ခုဖြစ်တယ်တဲ့။ Jozenji လမ်းမကြီးက ဘေးတစ်ဘက်တစ်ချက်မှာ သစ်ပင်ကြီးတွေ အုပ်အုပ်ဆိုင်းဆိုင်းနဲ့ လမ်းလယ်ခေါင်မှာလဲ အတော်ကျယ်တဲ့ လမ်းလယ်ကျွန်းရှိပြီး အဲဒီကျွန်းရဲ့ တစ်ဘက်တစ်ချက်မှာလဲ သစ်ပင်ကြီးတွေက စီတန်းနေတယ်။ သစ်ပင်တွေရဲ့အလယ် ကျွန်းပေါ်မှာ လူတော်တော်များများ လမ်းလျှောက်လို့ရတဲ့ လမ်းလေးရှိပြီး ထိုင်ခုံလေးတွေလဲရှိတယ်လေ။

Johzenji လမ်းမကြီးဘက်ကို ၀င်လိုက်တာနဲ့ တီးလုံးသံတွေ ကိုကြားရပြီး လမ်းလယ်ခေါင် ကျွန်းလေးပေါ်မှာ အဖြူရောင် အမိုးလေးတွေရဲ့ အောက်မှာ တီးမှုတ် နေကြတဲ့ တီးဝိုင်းအဖွဲ့လေးတွေ အများကြီးကို တွေ့ရပြီး လမ်းမကြီးရဲ့ ပလက်ဖောင်းဘေး မှာလဲ တီးခတ်၊ သီဆို ဖျော်ဖြေ နေကြတဲ့ တီးဝိုင်းတွေ လဲရှိတယ်။ လူတွေက သူတို့နှစ်သက်တဲ့ တီးဝိုင်းအဖွဲ့တွေ ရှေ့မှာ ယဉ်ကျေးစွာနဲ့ရပ်ပြီး လက်ခုပ် တဖြောင်းဖြောင်း တီးပြီး အားပေးကြတယ်။ တစ်ချို့ ကောင်မလေး ငယ်ငယ်လေးတွေဆို စီးချက်နဲ့အညီ လိုက်ပြီး ခန္တာကိုယ်လေးတွေက ယိမ်းခါနေကြတယ်။ မမတို့လဲ တီးဝိုင်း တစ်ခုပြီး တစ်ခုပြောင်းပြီး နားထောင်ကြတယ်။ တချို့ တီးဝိုင်းတွေဆို လူတွေများလွန်းပြီး တိုးမပေါက်တော့လို့ ပြန်လှည့်ခဲ့ရတယ်။ မမက ဆူဆူညံညံ တီးလုံးတွေကို မနှစ်သက် တတ်ခဲ့ပေမယ့် ဒီမှာတော့ လာနားထောင်တဲ့ ပရိတ်သတ်ဟာ အောဟစ် ဆူညံခြင်းမရှိပဲ တိတ်ဆိတ်စွာနဲ့ ဂီတသံစဉ်တွေကို ခံစားမှုအပြည့်နဲ့ အားပေး နေကြတာကို တွေ့ရတယ်။ သူတို့နဲ့အတူတူ ၀င်ရောက် နားထောင် ခံစားရင်း ဂီတသံစဉ် အမျိုးမျိုးကို နားထောင်ပြီး ပျော်ရွှင် နေခဲ့တယ်။ တစ်နေရာစီမှာ တီးဝိုင်းအဖွဲ့တွေက အလှည့်ကျ တစ်ဖွဲ့ပြီး တစ်ဖွဲ့ပြောင်းပြီး ဖျော်ဖြေကြတယ်။

ဒီလိုနဲ့ လမ်းမကြီးတစ်လျောက် လှည့်ပတ်နားထောင်ရင်း ဗိုက်ဆာလာတာနဲ့ မုန့်ဆိုင်တွေရှိတဲ့ Kotodai ပန်းခြံ ဘက်ကို ထွက်ခဲ့တယ်။

Kotodai ပန်းခြံ ထဲမှာတော့ တီးဝိုင်းအဖွဲ့ကြီးတွေက စင်မြင့် ကြီးပေါ်မှာ တီးခတ်ဖျော်ဖြေနေတာ တွေ့ရတယ်။
ဒီဘက်မှာလဲ မုန့်ဆိုင်တန်းတွေ၊ အဖျော်ရမကာဆိုင်တန်းတွေနဲ့ လူတွေ တိုးမပေါက်အောင် စီကားနေတယ်။ မုန့်ဆိုင်တန်းတွေကို လိုက်ကြည့်ရင်း မုန့်ဆိုင်တစ်ခု ရှေ့မှာ လူတန်းရှည်ကြီး တန်းစီနေတာတွေ့လို့ ဘာဆိုင်လဲလို့ ကြည့်လိုက်တော့ Sendai မြို့ရဲ့ နာမည်ကြီး စားစရာ တစ်မျိုးဖြစ်တဲ့ ဂရူတန်း(နွားလျှာ) ယာခိ(အကင်) ဆိုင်ဖြစ်နေပါပေါ့လား။



ယာခိနိခု(အသားကင်)ဆိုင်တွေလဲ အများကြီးပဲ။ ဂျပန်ရိုးရာ မုန့်ဆိုင် တွေလဲ အများကြီးပဲ။ မမတို့ဆီက မုန့်လင်မယား (မုန့်အုပ်ကလေး) နဲ့ပုံစံတူတဲ့ မုန့်လဲရှိတယ်။ ဒါပေမဲ့ သူတို့ရဲ့မုန့်က မုန်နှစ်ကို မုန့်လုပ်တဲ့ ခွက်ကလေးတွေထဲ လောင်းထည့်ပြီး တကောလို့ခေါ်တဲ့ ရေဘ၀ဲ အသားတွေကို သေးသေးလေး တုံးပြီး ထည့်ထားတာ။


ဒီလိုနဲ့ ဘာစားရမလဲ ရှာရင်း မုန့်နှစ်ထဲမှာ ပုစွန်ခြောက်အသေးလေးတွေ၊ ငါးနဲ့လုပ်ထားတဲ့ အမှုန့်လေးတွေ ထည့်လိပ်ပြီး ကြော်ထားတဲ့ မုန့်တစ်ခုနဲ့ (မုန့်ရေပါးကို သတိရမိတယ်၊ တူတော့မတူပါဘူး) ၀က်သားကင် ကြီးကြီးတစ်ချောင်း၊ သောက်စရာ တစ်ဗူးဝယ်ပြီး ထိုင်စားဖို့ နေရာ လိုက်ရှာတယ်။ လူတော်တော်များများလဲ စားသောက်စရာတွေ ၀ယ်ပြီး သစ်ပင်အောက်တွေမှာ၊ ပန်းခုံတွေပေါ်မှာ ထိုင်ပြီးစားသောက်ရင်း အပန်းဖြေနေကြတယ်။ မမတို့လဲ ဗိုက်ဆာဆာနဲ့ ထိုင်ပြီးစားနေတုံး စတိုင်ကျကျ ဟန်လုပ်ပြီး ထိုင်နေတဲ့ ခွေးကလေး တစ်ကောင်ကို တွေ့လိှု့ သဘောကျပြီး ဓာတ်ပုံ ရိုက်လာခဲ့သေးတယ်။ (ဒီမှာက အိမ်မွေး တိရစ္ဆာန်တွေကို သားသမီးလို သဘောထားပြီး ကောင်းကောင်းမွန်မွန် စောင့်ရှောက်ကြတယ်။)

မမ အဓိကထား ပြောပြချင်တာကတော့ မုန့်ဆိုင်တန်းတွေ နားမှာ တွေ့ရတဲ့ ဆိုင်လေးတစ်ခုပါပဲ။ အဲဒီဆိုင်လေးရဲ့ အမည်က Recycle station လို့ ဂျပန်လို katakana နဲ့ရေးထားပါတယ်။

တကယ်တမ်းတော့ အဲဒီဆိုင်လေးဟာ အမှိုက်တွေကို စနစ်ကျစွာ အမျိုးအစားခွဲပြီး သိမ်းဆည်းပေးတဲ့ နေရာလေး တစ်ခုဖြစ်ပါတယ်။ Recycle station မှာ တွေ့ခဲ့ရတာကတော့ ခြင်းတောင်းလေးတွေ နဲ့ စားပွဲခုံမှာ စာကပ်ထားပါတယ်- ပလပ်စတစ်၊ သံဗူး၊ pet bottle၊ တစ်ခါသုံးခွက်၊ ၀ါးတူ၊ ဖျော်ရည်သောက်တဲ့ ပိုက်၊ စားကြွင်းစားကျန်အမှိုက် စသဖြင့် ရေးထားပြီး အမှိုက်လာထည့်သူတွေကို စနစ်တကျဖြစ်အောင် ကူညီပေးနေတဲ့ သူတွေကို တွေ့ခဲ့ရပါတယ်။ ဂျပန် လူမျိုးတွေဟာ အမှိုက်ပစ်တဲ့နေရာမှာ အလွန်စည်းကမ်းရှိလှပါတယ်။ ကြက်ပျံမကျ စည်ကားလှတဲ့ ဒီပွဲတော်ကြီးမှာ အမှိုက်တစ်စမတွေ့ခဲ့ရပါဘူး။ အမှိုက်ပစ်တဲ့သူတွေနဲ့ Recycle station မှာ အမှိုက်သိမ်းပေးနေတဲ့ သူတွေဟာ အပြန်အလှန် လေးစားမှု ရှိကြတာတွေ့ရပါတယ်။
ဒီလိုနဲ့ မုန့်ဝယ်စားလိုက် တီးဝိုင်းတွေဘက် ပတ်ကြည့်လိုက်နဲ့ မှောင်စပျိုး လာခဲ့ပါပြီ။ ပွဲတော်ကြီးကတော့ ဂီတသံတွေနဲ့ ဂီတချစ်သူတွေနဲ့ စည်ကားနေဆဲပါပဲ။

မမတို့ နိုင်ငံမှာလဲ ပျော်ရွှင်စရာ ကောင်းလှတဲ့ မြန်မာ့ရိုးရာ ပွဲတော်တွေကို စည်းကမ်းရှိစွာ၊ သန့်ရှင်းသပ်ရပ်စွာ ဆင်နွှဲနိုင်ရင် ဘယ်လောက်တောင် ကောင်းလိုက်လေမလဲ လို့ အိမ်အပြန် လမ်းမှာ တွေးတော လာမိပါတယ်။

http://www.city.sendai.jp/kikaku/kokusai/english/art.html

http://www.sentabi.jp/1000/0007/0000/1000000700000002.html

Preparation

ပြင်ဆင်ခြင်း

လူ့ဘောင်လောက အတွင်းမှ လူသားများသည် တစ်ဦးနှင့်တစ်ဦး အကျင့်စရိုက် ကွဲပြားကြသည်။ အချို့မှာ မိမိတို့ လုပ်ငန်းဆောင်တာ ဗာဟီရ ကိစ္စအ၀၀အတွက် ကြိုတင်ပြင်ဆင်သော အကျင့်စရိုက်ရှိသည်။ အချို့မှာ ဒီကွေ့ရောက် ဒီတက်နှင့်လှော်၊ ဟိုကွေ့ရောက် ဟိုတက်နှင့်လှော် ဆိုသလို အလိုက်သင့် လုပ်ဆောင်တတ်သော အကျင့်စရိုက်ရှိကြသည်။

ကျွန်ုပ်ကိုယ်ကျွန်ုပ် ဆန်းစစ်ကြည့်ရာတွင် ပထမအမျိုးအစားတွင် ပါဝင်ကြောင်းတွေ့ရသည်။ ညစဉ်အိပ်ရာတွင်း ရောက်ချိန်၌ နောက်တစ်နေ့လုပ်ဆောင်ရမည့် ကိစ္စများကို စိတ်တွင်းမှ ကြိုတင်ပြင်ဆင်ခြင်းကို အမြဲလုပ်ဆောင်လေ့ ရှိသကဲ့သို့ တစ်ခါတစ်ရံတွင် လုပ်ဆောင်ရမည့်ကိစ္စများကို စာဖြင့် ရေးချထားပြီး ပြီးစီးသွားသော ကိစ္စများကို အမှတ်ခြစ်ထားခြင်း စသည်တို့ကိုလည်း လုပ်ဆောင်လေ့ရှိပါသည်။

ယခုအခါတွင် ကျွန်ုပ်မှာ လုပ်ငန်းတာဝန်မှ အနားယူပြီး မူလအိမ်ရှင်မတာဝန်ကို ပြန်လည်ထမ်းဆောင်နေရသူ ဖြစ်ပါသည်။ သို့ရာတွင် ကျွန်ုပ်၏ ကြိုတင်ပြင်ဆင်ခြင်း အလေ့အထမှာ ပျောက်ကွယ်သွားခြင်း မရှိသေးပါ။ သာမန်အိမ်မှု ကိစ္စများ၊ ဈေးဝယ်ရမည့်ကိစ္စများ၊ ဟင်းလျာချက်ပြုတ်ရမည့် ကိစ္စများ ကိုလုပ်ငန်းခွင်တွင် ရှိစဉ်က မိမိတာဝန်များကို စနစ်တကျ ပြီးစီးရန် ကြိုတင်ပြင်ဆင်သည့်နည်းတူ ယခုလည်း ကြိုတင်ပြင်ဆင်ခြင်းကို ဆောင်ရွက်နေဆဲ ဖြစ်ပါသည်။

ထိုကဲ့သို့ ဆောင်ရွက်လျက်ရှိနေစဉ်မှာပင် ကျွန်ုပ်ကိုယ်ကျွန်ုပ် သတိမမူဘဲ ”ပြင်ဆင်ခြင်း” ကိစ္စတစ်ခုကို အလေးထား အပါတ်တကုတ် ကြိုးစားပြုလုပ်နေမှု ကိုသိရှိလာရပါသည်။ ကျွန်ုပ်ပြုလုပ်နေသော ပြင်ဆင်ခြင်း ကိစ္စမှာ ကျွန်ုပ်ဘ၀အတွက် အရေးကြီးဆုံး ကိစ္စတစ်ရပ် ဖြစ်နေကြောင်းလဲ သတိပြုမိလာပါသည်။ အသက်အပိုင်း အခြားအားဖြင့် (၆၀) ကျော်၍ တတိယအရွယ်သို့ ၀င်ရောက်လာပြီးဖြစ်သော ကျွန်ုပ်အတွက် အရေးကြီးဆုံး ပြင်ဆင်ရမည့် ကိစ္စမှာ ”သေခြင်းကို အကောင်းဆုံးနည်းဖြင့် ရင်ဆိုင်ရန်” အစွမ်းကုန် ပြင်ဆင်ရမည့် ကိစ္စသာ ဖြစ်ပါသည်။

ဆရာဝန်တစ်ဦး ဖြစ်သော ကျွန်ုပ်အနေဖြင့် မိမိမျက်မှောက်တွင် အနည်းနည်းအဖုံဖုံဖြင့် လူ့လောကမှ ထွက်ခွာသွားသူတို့ကို ကြုံဆုံခဲ့ရပေါင်း မနည်းပါ။ အချို့လည်း တည်တည်ငြိမ်ငြိမ် ရင်ဆိုင်သွားကြသည်။ အချို့လည်း ပင်ပန်းကြီးစွာ ရင်ဆိုင်ကြရသည်။ ရှင်တော်မြတ်စွာဘုရား၏ ဒေသနာ အရ -

• မိမိသေရမည့် အချိန်ကို မည်သူမှ မသိကြပါ။
• မိမိ မည်သည့်ရောဂါဖြင့် သေရမည်ကို မည်သူမှ မသိကြပါ။
• မိမိ မည်သည့် သုသာန်တွင် ခေါင်းချရမည် ကို မသိကြပါ။
• သေပြီးနောက် လားရမည့် ဂတိကို မသိကြပါ။

မသေခြာ မရေရာလှသော သေခြင်းကို ရင်ဆိုင်နိုင်ရန် ကြိုတင်ပြင်ဆင်ခြင်း ကိစ္စကို လူတိုင်းပြုလုပ်သင့်ကြသည်။ သို့ရာတွင် အ၀ိဇ္ဇာ ဖုံးလွှမ်းသော လူဖြစ်စဉ်က ကြိုတင်ပြင်ဆင်ရမည့် ကိစ္စကို သတိမရချင်ပါ။ မေ့ထားချင်ပါသည်။ မေ့ပင်အောက်က လူသားတစ်ဦးဖြစ်သော ကျွန်ုပ်လည်း အသက်(၄၀) အရွယ်ရောက်သည့် တိုင်အောင် ပြင်ဆင်ခြင်း ကိစ္စကို မေ့လျော့နေမိခဲ့သည်။ အကြောင်းအားကြီးသော ကံတရား၏ ထောက်ပံ့မှု ကြောင့်စစ်မှန်သော ဗုဒ္ဓအယူဝါဒ အရိပ်အောက်တွင် ရောက်နေခဲ့သော်လည်း မိရိုးဖလာ ဗုဒ္ဓဘာသာဝင်တစ်ဦး အဖြစ်သာရှိနေခဲ့ပါသည်။ တစ်နေ့တွင် ကျွန်ုပ်နှင့် သာမန်မျှသာ သိကျွမ်းသော ကျောင်းဆရာမတစ်ဦး အိမ်သို့ရောက်လာပါသည်။ ကျွန်ုပ်အား“ ၀ိပဿနာတရားကို အားထုတ်ဘူးပါပြီလား” ဟုမေးပါသည်။ ကျွန်ုပ်ကလည်း အားမထုတ်ဘူးသေးကြောင်း ပြောပါသည်။ “အားထုတ်ကြည့်စမ်းပါ၊ ထူးခြားပါတယ်” ဟုပြောတာကို ကျွန်ုပ်၏စိတ်ထဲတွင် စွဲဝင်မှတ်မိနေခဲ့ပါသည်။ သို့ရာတွင် မည်ကဲ့သို့ အစပျိုးရမည်ကို မသိနိုင်ခဲ့ပါချေ။

တစ်ခုသော သင်္ကြန်ကာလတွင် ကျွန်ုပ်၏ သမီးကြီးက လမ်းစတစ်ခုကို ရှာဖွေတွေ့ရှိခဲ့ပြီး ကျွန်ုပ်အား ထိုလမ်းသို့ ပို့ဆောင်ခဲ့ပါသည်။ ကျွန်ုပ်၏ ၀ိပဿနာလမ်းကို အစပျိုးခဲ့သူမှာ ကျွန်ုပ်၏ သမီးကြီးပင် ဖြစ်ပါသည်။ သင်္ကြန်ကာလ ရောက်တိုင်း ထိုလမ်းအတိုင်း ၅ နှစ်ခန့် ၀ိပဿနာတရားကို မြည်းစမ်းခဲ့ရပါသည်။ သို့ရာတွင် ရေရရာရာ သဘောပေါက် နားလည်မှု မရခဲ့ပါ။ မိုးကုတ်ဆရာတော်ဘုရားကြီး၏ ဟောစဉ်တရားစာအုပ်များ နှင့် တိတ်ခွေအချို့ ကိုစုဆောင်းမိခဲ့ပါသည်။ (ယခုအချိန်တွင် ၄င်းစာအုပ်များမှာ ကျွန်ုပ်အတွက် လွန်စွာ အားထားရသော၊ လွန်စွာ တန်ဘိုးရှိသော စာအုပ်များဖြစ်ပါသည်။)

လုပ်ငန်းခွင် အတွင်းမှာပင် တစ်နှစ်လျှင် (၁၅)ရက်၊ ရက်(၂၀) ခန့် တရားရိပ်သာသို့ ၀င်ရောက်အားထုတ်မှု ရှိခဲ့ပါသည်။ ရိပ်သာမှာ ဆရာတော်ဘုန်းကြီးများ ညွှန်ပြသည့်အတိုင်း လိုက်နာ၍ အပါတ်တကုတ် ကြိုးပမ်းအားထုတ်ခဲ့သော်လည်း ရေရေရာရာ သဘောပေါက်နားလည်မှု မရှိခဲ့ပါ။ ၀ိပဿနာတရား အားထုတ်ခြင်းဟူသော အားကြီးသော အထောက်အပံ့ကြောင့် သေခြင်းတရားကို မည်ကဲ့သို့ ရင်ဆိုင်နိုင်သည် ဆိုသည့်အချက် သာလျှင်သဘောပေါက်ခဲ့သည်။ သို့ရာတွင် ၀န်ထမ်းဘ၀၏ ကြီးလေးသော တာဝန်များကို အတိမ်းအစောင်း မခံပဲ အာရုံနှစ်သွင်းနေရချိန်တွင် ၀ိပဿနာ၏ သဘောသဘာဝကို အပြည့်အ၀ ခံယူနိုင်ခြင်း မရှိခဲ့ပါ။ ကျွန်ုပ်ရှေ့တွင် ဖော်ပြသကဲ့သို့ သေခြင်းကိုရင်ဆိုင်နိုင်ရန် အတွက် “ပြင်ဆင်မှု” ကိစ္စများကိုလည်း ရှေ့တန်းတင်နိုင်ခြင်း မရှိခဲ့ပါ။ လုပ်ငန်းခွင်မှ အနားယူခါနီးချိန်တွင် ကျွန်ုပ်တွင် အတွေးတစ်ခု ၀င်ရောက်နေရာ ယူခဲ့သည်။ ကျွန်ုပ်၏ အလုပ်တာဝန်များ ပြီးဆုံး အနားယူချိန်တွင် ကျွန်ုပ်အနေဖြင့် တစ်ခုတည်းသော အာရုံနှစ်ဝင် လုပ်ရမည့် အလုပ်ပင်ဖြစ်ကြောင်း မနောအာရုံတွင် ဖြစ်ပေါ်ခဲ့သည်။

လုပ်ငန်းတာဝန်မှ အနားယူပြီးချိန်တွင် ကြီးလေးသော တာဝန်များနှင့် လမ်းခွဲရခြင်းသည် ကြီးမားသော ၀န်ထုပ်ဝန်ပိုးများကို မနိုင်မနင်း ပင်ပန်းကြီးစွာ သယ်ယူခဲ့ရပြီး ပစ်ချခဲ့ရသဖြင့် လွတ်လပ်ပေါ့ပါးသွားသူ တစ်ဦးကဲ့သို့ ခံစားမှုများ ဖြစ်ခဲ့သည်။ ပေါ့ပါးခြင်း၏ အရသာကို ထူးခြားစွာ ခံစားရခဲ့သည်။ မိမိဘ၀အတွက် လုပ်ဆောင်ရမည့် ကိစ္စများကိုလဲ အေးဆေးစွာ တွေးတောစီမံနိုင်ခဲ့သည်။

ကျွန်ုပ်၏ မိသားစုတွင် မိခင်၊ ဖခင်၊ အစ်မလတ် နှင့် အစ်ကို တို့ ဘ၀တစ်ပါးသို့ ပြောင်းသွားခဲ့ကြပြီ ဖြစ်သည်။ ထိုပုဂ္ဂိုလ်များ၏ “နောက်ဆုံးချိန်” များကို ကျွန်ုပ် ပြန်လည်ဆန်းစစ် ကြည့်မိသည်။ ကျွန်ုပ်၏ ဖခင်ကြီးမှာ ခရစ်ယာန်ဘာသာဝင် တစ်ဦးဖြစ်သည်။ ဘုရားသခင်ကို နှစ်နှစ်ကာကာ ယုံကြည်သူတော့ မဟုတ်လှပါ။ မိခင်ကြီး ကိုးကွယ်သော ဗုဒ္ဓအယူဝါဒ ကိုလည်း ပစ်ပစ်ခါခါ လုပ်သူလည်း မဟုတ်ပါ။ ဖခင်ကြီးသည် အသက် (၆၈) နှစ် အရွယ်တွင် အသည်းရောဂါ ဖြင့်ကွယ်လွန်ခဲ့သည်။ သေခြင်းတရာကို ရင်ဆိုင်ရန် “ပြင်ဆင်ခြင်း” ကိစ္စများ ရှိခဲ့ဟန် မတူပါ။ ခရစ်ယာန်ဘာသာ၏ အယူဝါဒ အရ ဘုရားသခင်၏ ရင်ခွင်တွင် ငြိမ်းချမ်းစွာ ခိုလှုံရမည် ဟုသာ သိထားခဲ့ပါလိမ့်မည်။ ဝေဒနာကိုပြင်းထန်စွာ ခံစားရင်း ကွယ်လွန်ခဲ့ရှာသည်။ ကျွန်ုပ်တို့ မိသားစုမှ ဒုတိယ ကွယ်လွန်ခဲ့သူမှာ ကျွန်ုပ်၏ တစ်ဦးတည်းသော အစ်ကိုဖြစ်သည်။ ယိုဒယားမြန်မာ နယ်စပ်တွင် နေထိုင်ခဲ့ပြီး ဥပစ္ဆေဒကံကြောင့် သေဆုံးခဲ့ရကြောင်း သိခဲ့ရသည်။ တစ်ဦးနှင့် တစ်ဦးအချင်းများရာမှ သေနတ်ဒဏ်ရာရကာ သေဆုံးခဲ့ရသည်ဟု ၄င်း၏ မိတ်ဆွေများနှင့် မိသားစုက သတင်းပို့၍ သိခဲ့ရသည်။ ဒေါသဖြင့် သေဆုံးခဲ့ရသည်မှာ သိသာလှသည်။ ဗုဒ္ဓ၏ ဒေသနာတော်အရ ဒေါသဖြင့် သေဆုံးလျှင် အပါယ်လေးဘုံ သို့သာရောက်မည် မှာမလွဲပါ။ တတိယမြောက် ကွယ်လွန်ခဲ့သူမှာ ကျွန်ုပ်၏ အစ်မလတ် ဖြစ်သည်။ အစ်မလတ်မှာ ရင်ကြပ်ပန်းနာ ရောဂါနှင့် နှလုံးရောဂါ ခံစားနေရသူဖြစ်သဖြင့် သူမဘာသာလည်း အချိန်မရွေး သေဆုံးနိုင်ကြောင်း သိထားသူ ဖြစ်သည်။ သူမသည် သေဆုံးခြင်း ကိုရင်ဆိုင်နိုင်ရန် “ပြင်ဆင်ခြင်း” ကို လုပ်ဆောင်ခဲ့ပါသည်။ သို့ရာတွင် သူမ၏ ကျန်းမာရေး အခြေနေအရ ထိရောက်စွာ လုပ်ဆောင်နိုင်ခြင်း မရှိခဲ့ပါ။ သူမမကွယ်လွန်မီ နွေရာသီကျောင်းပိတ်ရက် တွင် (သူမမှာ ကျောင်းဆရာမ တစ်ဦး ဖြစ်ခဲ့သဖြင့် ကျွန်ုပ်၏ သားသမီးများကို သံယောဇဉ်ကြီးစွာ တွယ်တာခဲ့ပြီး စာပေသင်ကြားခြင်းကို နေ့တစ်ဓူဝ လုပ်ဆောင်ခဲ့သည်။ ကလေးများစာမေးပွဲ အပြီး တစ်ခုသော နွေရာသီကျောင်းပိတ်ရက် ကိုရွေးချယ်ခဲ့သည်။ ) မဟာစည်သာသနာ့ ရိပ်သာသို့ တရားအားထုတ် ရန် သွားရောက်ခဲ့သည်။ မဟာစည်သာသနာ့ ရိပ်သာ၏မူအရ ကျန်းမာရေး အလုံးစုံ ပြည့်စုံသူများပင် တရားကျင့်ကြံခြင်း ကိစ္စကို ပင်ပန်းစွာ လုပ်ဆောင်ရသည်။ သူမ၏ ယိုယွင်းနေသော ကျန်းမာရေးက သမာဓိရလောက်အောင်ပင် မစွမ်းဆောင်နိုင်ခဲ့ပါ။ ခန္ဒာ၊ အယတန၊ ဓါတ်၊ သစ္စာ များကိုပင် ပီပီပြင်ပြင် သိသွားခဲ့မည် မထင်ပါ။ အောက်တိုဘာလ၏ ညတစ်ညတွင် ဝေဒနာ ပြင်းထန်စွာ ခံစား၍ သူမ ကွယ်လွန် သွားခဲ့သည်။

လွန်ခဲ့သော ၆နှစ်ခန့်က ကျွန်ုပ်၏ မိခင်ကြီးသည် အသက် ၉၁နှစ် အရွယ်တွင် ကွယ်လွန်ခဲ့ပါသည်။ မိခင်ကြီးသည် ရတနာသုံးပါးကို အလေးအမြတ် ကိုးကွယ် ဆည်းကပ်သူဖြစ်သည်။ ငယ်ရွယ်စဉ်က ဖခင်၏ အသိုင်းအ၀န်းတွင် ကျင်လည်ခဲ့ရသော်လည်း ဗုဒ္ဓဘာသာကို အစဉ်အလေးထားခဲ့သူ ဖြစ်သည်။ ကျွန်ုပ်တို့ သားသမီးများကိုလည်း ဗုဒ္ဓ၏ အရိပ်အောက်တွင်သာ ကြီးပြင်းစေခဲ့သည်။ ငယ်ရွယ်စဉ်ကလည်း တရားရိပ်သာများတွင် ၀င်ရောက်အားထုတ်သော အလေ့အထ ရှိ့ခဲ့ပြီး သက်ရွယ်ကြီးရင့် လာချိန်တွင်လည်း စွမ်းအားရှိသမျှ ၀ိပဿနာ တရားကို အားထုတ်ခဲ့သူ ဖြစ်သည်။ ဇူလိုင်လ၏ နေ့တစ်နေ့တွင် မိခင်ကြီးမှာ အေးချမ်းစွာဖြင့် ကွယ်လွန်ခဲ့သည်။

ယခုအခါတွင် မိတ်ဆွေများ၊ ဆရာသမားများ ကွယ်လွန်ကြကြောင်း သိရလျှင် သူတို့တစ်တွေသည် “ပြင်ဆင်ခြင်း” ကို လုပ်ခဲ့ကြရဲ့လား၊ လုပ်နိုင်ခဲ့ကြရဲ့လား၊ ဆိုသည်ကို စဉ်းစားမိသည်။ များသောအားဖြင့် မအားမလပ်သည့်ကြားမှ သေမင်းခေါ်ရာသို့ တရွတ်ဆွဲ၍ လိုက်ပါသွားခဲ့ကြရသူတွေ သာများပါသည်။ ယခုအချိန်သည် ၀ိမုတ္တိခေတ် သို့လည်းရောက်နေပြီး ၀ိပဿနာ တရားတော်ကို ရှင်းလင်းစွာ ဟောကြား ပြသနိုင်သော ဆရာတော်များ၊ ရိပ်သာများ ထွန်းကားစည်ပင်နေချိန် ဖြစ်သည်။

ကျွန်ုပ်ရှေ့ပိုင်းတွင် ရေးခဲ့သကဲ့သို့ပင် ကျွန်ုပ်ကိုယ်တိုင် သတိမမူမိပဲ ကျွန်ုပ်ဘ၀အတွက် “ပြင်ဆင်ခြင်း” ကိစ္စကို အပါတ်တကုတ် ပြုလုပ်နေခဲ့မိသည်။ အပါတ်တကုတ် ပြုလုပ်သည်ဆိုသော အရာတွင် ဆရာတော်ကြီးများ၏ တရားဒေသနာတော်များ ကို လေ့လာခြင်း၊ နာယူခြင်း၊ မှတ်သားခြင်း၊ ကျင့်ကြံခြင်း ဟူသော လုပ်ငန်းဆောင်တာ များကို လုပ်ဆောင်ရင်း နေ့တစ်နေ့၏ အချိန်များကို အသုံးချ ကုန်လွန်စေခဲ့သည်။ ကျွန်ုပ်ကဲ့သို့ပင် တတိယအရွယ်သို့ ချင်းနင်းဝင်ရောက်ခဲ့သူ အားလုံးသည် ပထမဦးစားပေး အဆင့်အဖြစ် ပြင်ဆင်ကြပြီး အရွယ်မရွေး၊ အချိန်မရွေး သတိတရား လက်ကိုင်ထားကာ သတိပဌာန်တရားများ ကို လေ့လာပြီး “ပြင်ဆင်ခြင်း” လုပ်ငန်းများကို လုပ်ဆောင်သင့်ကြောင်း အသိပေးချင်သည့် စိတ်စေတနာများ တစ်ဖွားဖွား ပေါ်ပေါက်လာ မိပါတော့သည်။


မှတ်ချက်။ ။ မကြာသေးမီကမှ ရေးသားပေးပို့ခဲ့သော ကျွန်မ မေမေရဲ့ စာတစ်စောင် ဖြစ်ပါတယ်။ ဒီစာဟာ ကျွန်မ တစ်ယောက်တည်းအတွက်တင်မကပဲ လူအများပါ ဖတ်သင့်တဲ့ စာတစ်စောင် ဖြစ်တဲ့အတွက် ပြန်လည်ဝေငှ ပေးလိုက်ပါတယ်။ မေမေ့ရဲ့စာတွေ အကြောင်းကို “ကျွန်မရဲ့လက်များ” နိဒါန်းမှာ ဖတ်နိုင် ပါတယ်။